Koos Kombuis

Ver in die wêreld, sushi! (eBook, ePUB)

• Format: ePub

Produktbeschreibung

Koos Kombuis se veelsydigheid ken geen perke nie. In 'n loopbaan van meer as drie dekades het die gewilde en dikwels omstrede kopdoekdraer hom gevestig as skrywer en sanger wie se invloed ver strek. Terselfdertyd het hy hom onderskei as sosiale en politieke kommentator van formaat. Ver in die wêreld, sushi! is Kombuis se vyfde rubrieke bundel en bevat opiniestukke wat verskyn het in gedrukte en aanlyn-publikasies soos Rapport, De Kat, Taalgenoot, Distrikspos, LitNet en Netwerk24. Met sy kenmerkende satiriese blik spreek Kombuis hom uit oor 'n verskeidenheid onderwerpe: die stommiteite van politici, streke van kinders in openbare plekke, die misterie wat instellings soos die Poskantoor en munisipaliteite aan die gang hou, roeringe in die Afrikaanse musiekbedryf, sensitiwiteite tussen geslagte en gendergroeperinge, die pêrels van wysheid wat haarkapsters in 'n kliënt se skoot laat val ... Maar die bundel re¬ ekteer veel meer as net 'n sardoniese humorsin wat help om gewigtige kwessies in perspektief te stel. Wanneer Koos Kombuis terugkyk oor sy roemryke loopbaan en sin probeer maak van verlies en dood, voer hy lesers mee na streke van die gees wat selde deurgrond word. Ver in die wêreld, sushi! is 'n heildronk op die insigte van 'n uitsonderlike stem in Afrikaans.

---

Dieser Download kann aus rechtlichen Gründen nur mit Rechnungsadresse in A, D ausgeliefert werden.

Produktdetails

• Verlag: New Holland Publ.Ltd.
• Seitenzahl: 208
• Erscheinungstermin: 5. August 2015
• Afrikaans
• ISBN-13: 9781770228825
• Artikelnr.: 43589931

Autorenporträt

Koos Kombuis was in sy lewe al klerk in die openbare sektor, assuransie verkoopsman en brandweerman. In 1980 debuteer hy as digter onder die naam André Letoit. Later raak hy saam met Johannes Kerkorrel betrokke by die alternatiewe Afrikaanse musiekbeweging as leiers van die Voëlvrytoer. As sanger en liedjieskrywer word hy 'n huishoudelike naam. 'n Outobiograie - Seks, drugs & boeremusiek - en romans soos Hotel Altantis, The Secret Diary of God en Raka - die roman het uit sy pen verskyn.