Heather Igloliorte

Sakkijâjuk

Allanguattausimajuk Ammalu Sananguatausimajuk Pisimajut Nunatsiavum

• Gebundenes Buch

Produktbeschreibung

This description is for the Inuktitut edition. Nunatsiavut, tânna Inuit nunakKatigengituk Canada-mit pitâlauttut namminik kavamamik 2005-imi, sanaKattajut sananguatausimajunik adjiKangitunik nunatsualimâmit Canadamiungutlutik ammalu ukkiuttatop KikKanganettuk Inuit sananguataumajut. Silatsualimâmi siKinganeluattuk inigijautluni Inutuinnanut, tamakkua satjugiamit inuit Nunatsiavummi iniKainnatut napattop killingani, ammalu Inuit allanguattingit ammalu sananguatingit Nunatsiavummit pitâsongunginnatut adjigengitunik ukiuttattumi ammalu ukiuttattoKattangimmijuk pigutsianginnik, taikkunangat atuKattasimajut takuminattunik sanagalagiamik suliagijanginnit. Allanguattet nunanganit piusituKanginnit atuKattasimavut ukkusitsajannik ammalu Kijunik sananguagiamut; amilinnik, tuttujannik, ammalu Kisinik atuttausonik sanaKattajut; ammalu tagiulinnit ivinik sanaKattamijut, ammalugiallak allasajannik, kikiatsajak, Kallunâttajak, sapangak, ammalu alakkasâjannik. MânnaKammik, sanagalasimavut sanajaunginnatunik takugatsausongutlutik, ilautillugit minguattausimajut, allanguattausimajut, nenittausimajut, adjiliuttausimajut, taggajâliuttausimajut, ammalu maggalinnit, atautsikut atutlutik piusituKannik atunginnatamminik nutângutlutik ammalu nigiugijausimangitunut piusitKatlutik. SakKijâjuk: Allanguattausimajut ammalu sananguatausimajut Nunatsiavummit sivulligijauvuk angijotluni nuititausimajuk allanguattausimajunit Labrador Inunginnit. Sanajauluasimajuk angijummagimmik apvitattitaulluni takugatsauniattilugit âkKisuttausimajuk taikkununga taijaujunut The Rooms Prâvinsikkut Allanguattausimajunik Takujapvinganut St. John's-imit, atuagak pitaKalangavuk ungatâni 80-nik sanajaugesimajunut 45-init adjigengitunit sananguatinut, kinakkoningit iluanemmijut sananguatet, ammalu angijummagik allataumajuk sananguatet pitjutigillugit Nunatsiavummit allasimajuk Heather Igloliorte. SakKijâjuk pivitsaKattisijuk atuatsiKattajunut, katitsuiKattajunut, allanguattinut piusituKaujunut, ammalu katitsuiKattajunut sunatuinnanik sananguatausimajunit siKinittini ammalu taggatinni takujagiattulâkKut taikkununga adjiKangitunut, sanajautsiasimajunut, ammalu takuminattusiavannik suliagijausimajunut Inuit sananguatinginnut ammalu allanguattinginnut Nunatsiavummit.

Produktdetails

• Verlag: Goose Lane Editions
• Seitenzahl: 188
• Erscheinungstermin: 17. April 2018
• Inuktitut
• Abmessung: 305mm x 234mm x 25mm
• Gewicht: 1429g
• ISBN-13: 9780864929761
• ISBN-10: 0864929765
• Artikelnr.: 45714448

Autorenporträt

Heather Igloliorte (Inuit) Ikajuttiuvuk Ilinniatitsijalligiutluni ammalu Concordia Ilinniavitsuangani Kaujisattiuvuk Itsivautagijautlunillu NunaKakKâsimajunut Allanguattet PiusituKannik ammalu Nunalinni IlauKattajunut Montreal-imi. Immigolingatluni uKâlattiusimalittuk taimanganit 2005. Kaujisajanga ammalu uKâlautigiKattajanga KanuttogutiKaluattuk Inuit ammalu asigiallait nunalituKait Taggâni America takugatsauKattajunut ammalu sanattauKattajunut ilikKuset ammalu pitjutauKattajunut immigolingajunut, pitsatuniKajunut, sakKijânginnatunut ammalu sangijojunut.