Umbala Welutsandvo (eBook, ePUB)
PAYBACK Punkte
0 °P sammeln!
Inkhosikati yesive saseMatsulu LaNgwabe, ititfungatsa isenkingeni ngemuva kwemnyaka lowodvwa asemendvweni. Inkhosi Tikhontele yatsatsa sincumo sekuteka umfati wesibili LaDlamini njengoba-ke imbeleko yaLaNgwabe bengiyavumi. LaDlamini kudzala bekakhetsiwe kutsi utawuba yinkhosikati yenkhosi Tikhontele. Kepha Inkhosi Tikhontele yabese iyatsatseka ngentfombi yakaNgwabe kwaba kuphela kwaleso sitsembiso njengoba-ke inhlitiyo ayiphakelwa. LaDlamini watama ngato tonkhe tindlela kutsi angene ebukhosini bakaTikhontele, wabese ungena ngelusito lendlovukati letala inkhosi Tikhontele LaMatjeya. Njengoba-ke...
Inkhosikati yesive saseMatsulu LaNgwabe, ititfungatsa isenkingeni ngemuva kwemnyaka lowodvwa asemendvweni. Inkhosi Tikhontele yatsatsa sincumo sekuteka umfati wesibili LaDlamini njengoba-ke imbeleko yaLaNgwabe bengiyavumi. LaDlamini kudzala bekakhetsiwe kutsi utawuba yinkhosikati yenkhosi Tikhontele. Kepha Inkhosi Tikhontele yabese iyatsatseka ngentfombi yakaNgwabe kwaba kuphela kwaleso sitsembiso njengoba-ke inhlitiyo ayiphakelwa. LaDlamini watama ngato tonkhe tindlela kutsi angene ebukhosini bakaTikhontele, wabese ungena ngelusito lendlovukati letala inkhosi Tikhontele LaMatjeya. Njengoba-ke indlovukati LaMatjeya beyingamnambitsi kahle kuLaNgwabe. Akutsatsanga sikhatsi lesingakanani tabese tiyavakala tekutsi inkhosikati yesibili itetfwele. Loku kwaba kucala kwenhlupheko yaLaNgwabe esigodlweni sakaTinkhontele njengoba-ke indlovukati kanye nenkhosikati yesibili besebacalile kudlisa inkhosi Tikhontele emavi lamabi ngaye. Lwalimala kakhulu-ke lutsandvo Tikhontele bekatsandza ngalo inkhosikati LaNgwabe. Iminyaka yandlula ilandzelana kepha Inkhosi Tikhontele inganayo nayinye indlalifa yekutigcabha ngayo. Inkhosikati yesibili LaDlamini beyikhicita tinkhosatana kuphela taze tadzimata taba sitfupha. Futsi-ke netive tangaphandle beseticabanga kuhlasela njengoba inkhosi lebeyingana ndlalifa ngaleto tinsuku bekutsiwa luphawu lwekutsi ihhola sive sayo ngesandla lesitsambile. Kwatsi ngalobunye busuku Inkhosi Tikhontele isutswe emanti lampontjwane, yangena egumbini laLaNgwabe aphosisa ligumbi laLaNgwabe nelaLaDlamini. Wabese ucitsa busuku khona atana nemkakhe LaNgwabe. Kwatsi emva kwalobo busuku kwatfolakala kutsi inkhosikati yekucala LaNgwabe utetfwele futsi bekatetfwele ngendlalifa yesive. Kwatse kuvakala loludzaba inkhosikati LaNgwabe beseyikhatsele ngulomendvwo, seyicela kubuyela emabaleni akaNgwabe kodvwa ngenca yekutsi inkhosi Tikhontele bekalikhuni akazange wavuma. Inkhosikati LaNgwabe yabese ivalelwa esigodlweni sakaTinkhontele kwaze kwafika sikhatsi sakhe sekubeleka. Ngemashwa inkhosikati LaNgwabe yandlula emhlabeni isabeleka indlalifa yesive inkhosana Jabulani. Umbelekisi waLaNgwabe wabese uyabona kutsi khona sandla semfene lesifakiwe wabese ucwayisa Inkhosi Tikhontele. Inkhosi Tikhontele yabona kutsi kuncono indlalifa yakhe ibalekiswe iyokhuliswa ekufihlakaleni kute kufike sikhatsi sakhe sekuhlala esihlalweni sebukhosi. Njengoba-ke bekunebantfu labangatiwa lapha esigodlweni lebebafunisa imphilo yakhe. Ngempela iminyaka yandlula, inkhosana Jabulani ingati imvelaphi yakhe. Kwatsi mhlazana agcoka lijaze lasenyuvesi Jabulani, kwabese kuvela ebaleni imfihlo yekutsi make lamtalako akusuye lewamkhulisa njengoba Inkhosi Tikhontele yativeta kuye ngalelo langa. Emaviki lambalwa andlula Inkhosi Tikhontele yabese ibuyela esigodlweni sakhe njengoba inkhosana Jabulani ayivumanga kubekwa esihlalweni sebukhosi bakaTinkhontele. Inkhosi Tikhontele ngenhlanhla lembi watfola ingoti yemoto asendleleni lebuyela esigodlweni. Wabese wopha kakhulu kwatsi afike esibhedlela besekuphutfuma adzinga ingati. Tinkhosatana takhe letisitfupha kanye nendlalifa yesibili letalwa nguLaDlamini kwaba ngibo labasondzela kucala baphisa ngengati yabo bafisa kusindzisa imphilo yenkosi Tikhontele. Kwaba ngulapho kutfolakala imfihlo yenkhosikati yesibili LaDlamini kutsi inkosi Tikhontele beyiphiwe labantfwana. Yatsi lendzaba maseyifika etindlebeni tenkosi Tikhontele wamelwa yinhlitiyo ngelusizi. Inkhosikati LaDlamini watfolakala atikhungile ehlatsini laseMatsulu ngenca yekutsi bekangakhoni kumelana nelihlazo lakhe. Jabulani ekugcineni wavuma kubekwa esihlalweni sebukhosi bakaTikhontele wahola sive saseMatsulu. Waphindze wahlala phansi wenta kuthula esigodlweni saseMatsulu mhlazane amukela tinkhosatana letisitfupha kanye nendlalifa yesibili yesive lebesekwatiwa kutsi baphiwa inkhosi Tikhontele.
Dieser Download kann aus rechtlichen Gründen nur mit Rechnungsadresse in A, B, CY, CZ, D, DK, EW, E, FIN, F, GR, H, IRL, I, LT, L, LR, M, NL, PL, P, R, S, SLO, SK ausgeliefert werden.
Andere Kunden interessierten sich für
